Yth esen vy, kyns oll, ow koska
Pan glywis desempis dha lev
Ha'n loor ow splanna y'n ebron
Dha dekter a'm dynyas yn krev
Dha vetya a wren vy yn fenowgh
Ha ty ow leverel pub prys
"My a'th pys a dhos genev bynari
Hag ytho, deun alemma dhe’m bys"
Dhymmo krys, ny'th karav, a vyrgh an mor
Mes heb dout, neb sergh koynt my a glew
My a bys ma'th karro yn hwir, devri
Neb a vo an kar nowyth a'm sywo, myrgh an mor!
Mar dek o dha fas avel kowral
Mar dhevrek dha lev avel dowr
Mes kyn y'th tyerbynnen vy nosweyth
Nyns o dhis an studh ma da lowr
Nyns esta klor nevra, keresik
Hag yth esa dhyn dadhlow heb par
Byttegyns, y kevrennyn kerensa
Ha tus dreylys on ni heb mar
Dhymmo krys, ny'th karav, a vyrgh an mor
Mes heb dout, neb sergh koynt my a glew
My a bys ma'th karro yn hwir, devri
Neb a vo an kar nowyth a'm sywo, myrgh an mor!
Dhe'n morrep pan dhen vy dhe'th weles
Y fedhes ow neuvya yn noth
Ny gonvedhyn vy nevra an skila
Prag na welyn saw hanter dha gorf
Omvyrla y'n lorgan a wren ni
Ha'n ster ow terlentri diben
Marth bras a'm beu pan dhiberthsyn
My a grysi dha vos bythkweyth len
Ny wodhyen vy dha vos morvoren
Ha truesi ha trist ow holon
My dhe'th kara y tegodh avowa
Mar dromm 'veu dha estrik dison
A vyrgh an mor, a vyrgh an mor!
|
|
At first, I was sleeping
When I heard your voice suddenly
As the moon was shining in the sky
Your beauty strongly attracted me
I would often meet you
And you would always say,
"I beg you to go with me forever"
And then, "Let's leave here for my world"
Believe me I don't love you, Daughter of the sea
But, undoubtedly, I feel some strange attachment
And I pray that he may love you truly, in fact
Whoever should be your new lover after me, daughter of the sea!
Your face was as beautiful as coral
And your voice as liquid as water
And though we would meet at night time
This state of affairs didn’t satisfy you
You were never a mild person, darling
And we had arguments beyond compare
Nevertheless, we shared a romance
And we're changed people now, of course
Believe me I don't love you, Daughter of the sea
But, undoubtedly, I feel some strange attachment
And I pray that he may love you truly, in fact
Whoever should be your new lover after me, daughter of the sea!
When I went to the seashore to see you
You would be bathing nude
I never understood why
I only saw half your body
We would embrace in the moonlight
With the infinite stars sparkling
I was very surprised at our parting
I believed that you would be loyal forever
I didn't realise you were a mermaid
And my heart is mournful and sad
And I have to admit that I love you
How suddenly you went away
Daughter of the sea, Daughter of the sea!
|