Kataloni (Catalonia) gans Graham Sandercock
Kernewek English

Orth daras igor, ayr a fros
Gwari gwybes rydh yn hes;
Gelvin gwennol, kyns an nos
A dhalghenn skav hy freydhow es;
Ha war an ledrow limven loes
My a gerdhas kyns, nyhewer
Menydhyow moel a-ugh an koes
Le may trel distowgh an gewer;
My a dhehwel dhis yn skon -
Ledrow ledan Rousillon

Gwinlannow dres an nans a-is
Rew war rew, linennow hir;
Sugen du dhe benn an mis
Pan dheu an drevas war an tir;
Froeth anadhves, hwerow, lymm
A drel yn skon dhe neppyth melys
A vydh pup-prys marthys dhymm
Rin a natur, prest anwelys;
An nos a goedh, an gryll a gan
Kowetha dha, hwarth toemm didhan
Ym syghnans syger katalan

Pan hedh wor'tiwedh kan an nos
Y koedh kosoleth war an chi;
Dhe'm gweli res y dhymmo mos
Ha lemmyn hwans a'm beus anedhi;
Er ebrenn efan, tewl ha pell
Hanterwiskys, dillas lows
Kroghenn avel oliv gell
Hi a war dhwelin orth an grows;
My a berth kov gwel ha son;
My a woer pub ger, pub ton
Ha my a dhehwel dhis yn skon -
Nosow poeth, hir Rousillon

At an open door, air streams
The play of gnats free in a swarm;
A swallow's beak before the night
Seizes nimbly her easy spoils;
And on the grey limestone slops
I walked before, last niht
Bare mountains above the wood
Where the weather changes uddenly;
I will return to you soon -
Wide slopes of Rousillon

Vineyards over the valley below
Row on row, long lines;
Black juice before the end of the month
When the harvest comes on your land;
Fruit unripe, bitter, sharp
Will soon change to something sweet
Which will always be a marvel to me
A secret of nature always unseen;
The night falls, a cricket sings
Good company, warm amusing laughter
In a lazy dry Catalan valley

When the song of the night finally stops
There falls a calmness on the house;
To my bed I must go
And now a desire I have for her;
Against a wide sky, dark and far
Half-dressed, loose clothing
Skin like brown olives
She kneels at the cross;
I remember sight and sound;
I know every word, every tune
And I will return to you soon -
Long, hot nights of Rousillon

Back to Cornish Songs

Unless otherwise stated, the content of this page is licensed under Creative Commons Attribution-ShareAlike 3.0 License