An Vorvoren a Senor gans Julyan Holmes
Kernewek English

Tus 'vas oll, mar pleg dhywgh goslowes
Unn hwedhel koynt yma genev vy
Istor maw yw gyllys gans mowes
Unn vowes varthys, bedhav y di

Gyllys, eghan! yw Mathi Trehwella
A gana mar ughel yn Eglos Senor
Lemmyn yma ev ow kana isella
Orth an vorvoren a-woles dhe'n mor

Bydh ny veu klewys na wella lev tenor
Es Mathi, ow kana pub Sulweyth y'n keur
Pobela-bell a wre dos dhe bluw Senor
A Vorvedh, Tewynnek, a bup sorn an nor

Unn venyn ankoth a wre dos di dh'y glewes
Mar splann hy dewlagas avel ster an nos.
Ha Mathi Trehwella, pan welas an vowes
Ny ylli nahen es hy hara didros

Glas hy dewlagas, ha'y gols yth o melyn
Ha hy owth esedha oll yn aga mysk
Piw byskweyth a allsa dismygi hy losten
Yn le hy diwwewen dhe gudha lost pysk!

"A Vathi", yn-medh hi, "deus genev desempis
Ha dhiso y rov pub tra oll myns yw 'vas
Arghans hag owr hag ow holon a vydh dhis
Mar pedhydh jy harth dhe dhos genev dhe'm gwlas"

"A varners, mar pleg, agas ankor drehevewgh
Rag kodhys ymava 'dreus porth agan chi"
"Piw eus trigys a-woles? Leverewgh!"
"Mathi Trehwella ha'y wreg yth on ni"

Back to Cornish Songs

Unless otherwise stated, the content of this page is licensed under Creative Commons Attribution-ShareAlike 3.0 License